فراشات الشام

حللتي أهلا ووطئتي سهلا أنت أخت بيننا ونحن عائلتك الصغيرة فنرجو منك أن تفيدينا وتستفيدي
فراشات الشام

منتدى نسائي إسلامي يجمع بنات وطننا العربي الحبيب لنفيد ونستفيد يمنع فيه مشاركة الرجال ولو بتدوري على صحبة و لمة و كلام طيب و محتارة وين تدخلي أي بيت ثاني لك، هتلاقي فراشات الشام فيه بنات سعيهم وجهدهم للخير،

Like/Tweet/+1

دخول

لقد نسيت كلمة السر

المواضيع الأخيرة

» دومــــــــــــا تتحــــــــــــــرر
الأحد أبريل 07, 2013 5:29 am من طرف لولية الشام

» قوانين مهمة....
الخميس يونيو 07, 2012 7:11 pm من طرف فراشة دوما

» اروع جواااب..........
السبت يناير 14, 2012 12:57 pm من طرف الفراشة الملونة

» حكمة اليوم
الخميس يناير 12, 2012 12:29 pm من طرف الفراشة الملونة

» الهي.......
الخميس يناير 12, 2012 12:14 pm من طرف الفراشة الملونة

» لو..........ماذا افعل؟؟
الخميس يناير 12, 2012 12:05 pm من طرف الفراشة الملونة

» المحبة....المحبة......هي معنى الحياة....
الخميس يناير 12, 2012 4:32 am من طرف الفراشة الملونة

» فوائد قطع الكهرباء !!!!!!!!!!!
الخميس يناير 12, 2012 4:29 am من طرف الفراشة الملونة

» عذرا........لم يتم العثور على انسان....
الخميس يناير 12, 2012 4:26 am من طرف الفراشة الملونة

» لماذا لم تتزوجي!!!!!!!!
الخميس يناير 12, 2012 4:23 am من طرف الفراشة الملونة

» فراشتي الغالية...اي من العبارات تؤلمك؟؟؟؟
الثلاثاء ديسمبر 13, 2011 11:49 am من طرف الفراشة الملونة

» فراشاتنا الحلوين
الثلاثاء ديسمبر 13, 2011 11:46 am من طرف الفراشة الملونة

»  شو أمنيتك اليوم
الثلاثاء ديسمبر 13, 2011 11:43 am من طرف الفراشة الملونة

» ماهو شعورك الان؟؟؟؟؟
الثلاثاء ديسمبر 13, 2011 11:38 am من طرف الفراشة الملونة

» المرأه كـ الحـذاء!!!
الثلاثاء ديسمبر 13, 2011 11:36 am من طرف الفراشة الملونة

» قواعد حفظ القرآن الكريم
الثلاثاء ديسمبر 13, 2011 12:04 am من طرف لولية الشام

» الدخول إجباري شو طابخين اليوم
الثلاثاء ديسمبر 06, 2011 6:19 am من طرف المتألقة

» لمن ترأى في نفسها الضعف والكسل عن الطاعات..!
الإثنين نوفمبر 21, 2011 5:58 pm من طرف ايميلي

» ألو ....عرفتوا مين هي !!!
الإثنين نوفمبر 21, 2011 5:49 pm من طرف ايميلي

» حاملات تقديم الحلويات رووووووعة جديد 2012
الأحد نوفمبر 13, 2011 3:19 am من طرف فراشة دوما

سحابة الكلمات الدلالية

التبادل الاعلاني


انشاء منتدى مجاني



تدفق ال RSS


Yahoo! 
MSN 
AOL 
Netvibes 
Bloglines 

أفضل 10 أعضاء في هذا الأسبوع

Like/Tweet/+1

Like/Tweet/+1


    بتتذكروا................................... والله كانت ايام حلوة

    شاطر
    avatar
    hproxymol

    عدد المساهمات : 10
    نقاط : 18
    السٌّمعَة : 2
    تاريخ التسجيل : 15/06/2011

    بتتذكروا................................... والله كانت ايام حلوة

    مُساهمة من طرف hproxymol في الخميس يوليو 14, 2011 9:26 pm

    بتتذكروا ،،،،



    بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.

    ‏ بتتذكروا... يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر...




    ‏ بتتذكروا... المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.

    بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله

    وبعدين نحطو بطاسة مي أو بالمغسلة وناكلو عم يشرشر.

    بتتذكروا.. يوم الجمعة ... ‏نقوم من الصبح مشان نسمع أغنية في قصص الشعوب قصائص لا تنتهي

    وعالم حلو بهي يسكن في القلوب في قصص الشعوب .

    بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

    ‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.

    ‏ بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.

    بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..





    بتتذكروا... عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.

    بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!

    بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ‏ولازم طبعاً يمر على أولاد الحارة ويطلعوا معو شي خمسين واحد


    ‏ بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...

    يقول لك: مو رصيفكن هادا رصيف الحكومة
    كلام منطقي, ‏ويتم يمرق قدام البيت ويقول لك مادخلك.

    بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ...وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.

    بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.



    بتتذكروا...لما نشيل الطراريح والشراشف ونعملهن خيم ....أو ناخذ المخدات الكبيرة ونعملهن بيوت.









    واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام

    أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..



    أول ما يفتح التلفزيون بتلاقيه يتفرج ع هيفا ونانسي وروبي

    وعلى أيامنا قصص عالمية وسهرة صباحية ع الشدة كل ليلة خميس

    وأم عمار ببرنامج ما يطلبه الجمهور

    وعصمت رشيد يغني بين الشوطين

    ويوم الجمعة سيران والله أيام





    للأسف صار الجيل الجديد بلا هوية ولا ذكريات
    avatar
    فراشة دوما
    مراقبة عامة
    مراقبة عامة

    عدد المساهمات : 1008
    نقاط : 1255
    السٌّمعَة : 24
    تاريخ التسجيل : 10/06/2011

    رد: بتتذكروا................................... والله كانت ايام حلوة

    مُساهمة من طرف فراشة دوما في السبت يوليو 16, 2011 4:29 pm

    والله كانت أيام حلوة
    ياريتها هلأ هيك

    يسلموا إيديكي

    زكرتينا بالماضي

    بس أنا بالنسبة إلي موحلو



    [ندعوك للتسجيل في المنتدى أو التعريف بنفسك لمعاينة هذه الصورة]



    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    *عسل .com*
    فرشاة اصيلة
    فرشاة اصيلة

    عدد المساهمات : 598
    نقاط : 965
    السٌّمعَة : 21
    تاريخ التسجيل : 13/06/2011
    العمر : 29

    رد: بتتذكروا................................... والله كانت ايام حلوة

    مُساهمة من طرف *عسل .com* في السبت يوليو 16, 2011 5:36 pm

    يعني أغلب الشغلات صايره معي فعلا
    شو كل العالم بيصير معهن نفس الشي
    هههههههه

    بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!
    بس هي كتير صايره معي

    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    زوجة أولى
    فراشة مميزة
    فراشة مميزة

    عدد المساهمات : 110
    نقاط : 131
    السٌّمعَة : 8
    تاريخ التسجيل : 24/06/2011

    رد: بتتذكروا................................... والله كانت ايام حلوة

    مُساهمة من طرف زوجة أولى في السبت يوليو 16, 2011 10:47 pm

    والله انك صاحبة نكتة وظريفة كمان ______________--مشكورة
    avatar
    فراشة دوما
    مراقبة عامة
    مراقبة عامة

    عدد المساهمات : 1008
    نقاط : 1255
    السٌّمعَة : 24
    تاريخ التسجيل : 10/06/2011

    رد: بتتذكروا................................... والله كانت ايام حلوة

    مُساهمة من طرف فراشة دوما في السبت يوليو 16, 2011 10:52 pm

    صحيح الحكي مو إلي بس أنت الأظرف زوجة



    [ندعوك للتسجيل في المنتدى أو التعريف بنفسك لمعاينة هذه الصورة]



    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    hproxymol

    عدد المساهمات : 10
    نقاط : 18
    السٌّمعَة : 2
    تاريخ التسجيل : 15/06/2011

    رد: بتتذكروا................................... والله كانت ايام حلوة

    مُساهمة من طرف hproxymol في الثلاثاء يوليو 19, 2011 3:22 am

    اشكر مروركم واسعدني اعجابكن بموضوعي
    اما بالنسبة لفراشة دوما أسأل الله أن يعوضك خيرا بمستقبل باهر وبجنان الخلد
    avatar
    فراشة دوما
    مراقبة عامة
    مراقبة عامة

    عدد المساهمات : 1008
    نقاط : 1255
    السٌّمعَة : 24
    تاريخ التسجيل : 10/06/2011

    رد: بتتذكروا................................... والله كانت ايام حلوة

    مُساهمة من طرف فراشة دوما في الثلاثاء يوليو 19, 2011 3:50 am

    الله يسلمك يا بروكسيمول



    [ندعوك للتسجيل في المنتدى أو التعريف بنفسك لمعاينة هذه الصورة]



    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    نجمة
    فراشة مميزة
    فراشة مميزة

    عدد المساهمات : 112
    نقاط : 130
    السٌّمعَة : 14
    تاريخ التسجيل : 12/06/2011
    العمر : 29
    الموقع : بـالغــربــة

    رد: بتتذكروا................................... والله كانت ايام حلوة

    مُساهمة من طرف نجمة في السبت يوليو 30, 2011 12:21 am

    ييييييييييييي ذكريات بتجنن

    و لسا كمان مبارح كنت عم شوف حكايات عالمية
    في قصص الشعوووووووب هههههههههههههههههه

    يسلمن يا بروكسيموووووول

      الوقت/التاريخ الآن هو الإثنين يناير 21, 2019 7:29 am